घिरौलाको भरमा छाक टारेकी सुत्केरीलाई पौष्टिक आहार

कपिलवस्तु १५ भदौँ । बुद्धभुमि नगरपालीका वडा नं. ३ दुवियाकी सुत्केरीलाई बास्मती थारुलाई पौष्टिक आहारका लागी पहिलो पाईला नेपालले सहयोग गरेको छ ।  इट्टा भट्टमा काम गर्दै आएका २५ बर्षिय थारुका श्रीमानको लकडाउन पछि रोजगारबिहिन भएपछि छाक टार्नै धौ धौ भएको थियो । स्थानिय युवा अभियानता एवं पहिलो पाईला नेपाल बुटवल शाखाका  सचिव पारस मरासीनीले थारुको पारिवारीक अवस्था बारे जानकारी पाएपछि सहयोग गर्ने प्रतिज्ञा गर्नुभयो । त्यसै अनुरुप पहिलो पाईला नेपाल बुटवल शाखाको सहयोगमा अण्डा ,घ्यु , चामल ,दाल ,मासु लगायतका आवश्यक खाध्यय्न सामाग्री हस्तान्तरण गरेको बताउनुभएको छ ।

सामाग्री हस्तान्तरण गर्दै पहिलो पाईला नेपाल बुटवल शाखाका सचिव पारस मरासिनीले घर बनाउन समेत पहल गर्ने प्रतिवद्धता व्यक्त गर्नुभयो । जहाँ दुख्छ त्यहाँ पहिलो पाईला पुग्छ भन्ने मुल नारा लिएर सामाजिक क्षेत्रमा अग्रसर संस्थाले कार्यक्षेत्र बाहिर गएर पनी दुखीको घाउमा मलम लगाउने गरेको छ ।त्यस्तै  रुपन्देही फर्साटिक्कर घर भएका अभियानता अर्जुन रेग्मिको पहलमा सुत्केरी र बच्चालाई लुगा समेत प्रदान गरिएको छ ।