अर्घाखाँचीमा समुदायस्तरमा फैलिदै कोरोना

अर्घाखाँची १६  भदौ । अर्घाखाँचीमा समुदायस्तरमा कोरोना फैलिएको छ। स्वास्थ्यकर्मी, कर्मचारी, र तरकारी व्यवसायीलगायतमा कोरोना पुष्टि भएको  हो । समुदायस्तरमा कोरोना देखिन थालेपछि स्थानीय त्रसित भएका छन् ।कोरोना पुष्टि हुनेमा सन्धिखर्क नगरपालिकाको विभिन्न स्थानका पाँच पुरुष, र शितगंगा नगरपालिकाको एकजना पुरुषसहित ७ जनालाई कोरोना पुष्टि भएको अर्घाखाँचीका जन स्वास्थ्य कार्यालयका प्रमुख पुष्पा थापाले  जानकारी दिईन्  । जिल्लामा सक्रिय कोरोना संक्रमितको संख्या २५ रहेको छ । ३ सय २६ जना कोरोना जितेर घर फर्किएका छन् । हालसम्मको संक्रमित संख्या ३ सय ५४ पुगेको छ । कोरोना संक्रमणका कारण जिल्लामा तीन जनाको मृत्यु भएको जनस्वास्थ्य निरिक्षक गणेशराज पौडेलले बताए । जनसमुदायमा कोरोना फैलिन थालेपछि स्थानिय प्रशासनले अझ कडाई गर्नु पर्ने स्थानियको भनाई छ ।