कञ्चन १७ भदौ । रुपन्देहीको गैडहवा गाउपालिका वडा नं. ७ स्थित कञ्चन पुलमा अपरिचित महिलाको शव फेला परेको छ । इलाका प्रहरी कार्यलय,सूर्यपुराका अनुसार मध्यान्ह करिव १२ बजेको समयमा स्थानियहरुले पुलमुनि पानीमा घोप्टो अवस्थामा मान्छे तैरिरहेको देखेपछि सुरक्षाकर्मीलाई खवर गरेका थिए । घटनास्थलमा इलाका प्रहरी कार्यलय सूर्यपुराको सुरक्षा टोलीले अन्दाजी ५०\५५ बर्षको महिलालाई मृत अवस्थामा फेला परेको बताएको छ ।
उक्त शव कस्को र कहाँको भन्ने कुनै पहिचान नभएको तर हिजोको बाढीले कतैबाट बगाएर ल्याएको हुन सक्ने ईप्रका सूर्यपुराले जनाएको छ।उक्त महिलाको शरिरमा पहेलो,निलो र कालो रंगको साडी पहिरिएको र कम्मरमा रातो,सेतो र कालो छिर्के मिर्के पटुकी तथा टिशर्ट रहेको साथै निधारमा रातो टिका र हातमा रातो चुरा र सानो घडी समेत रहेको प्रहरीले जनाएको छ। दुबै कानमा सुनको मडरी र मोटो शरीर रहेको ईलाका प्रहरी कार्यलय सूर्यपुराले जनाएको छ ।
उक्त महिलाको शव पहिचानका लागि स्थानियहरुलाई खवर गरिए पनि कसैले शवको पहिचान गर्न नसकेको बताए पछि घटनस्थलको मुचुल्का तयार गरी पोष्टमार्टमका लागि भैरहवा स्थित भिम अस्पतालमा पठाइएको इलाका प्रहरी कार्यलय सूर्यपुराले जनाएको छ ।
प्रतिक्रिया