सालझण्डीकी ७७ वर्षीया संक्रमित महिलाको मृत्यु

बुटवल १८ भदौ । रुपन्देहीको सैनामैना नगरपालिका ११  सालझण्डीकी ७७ वर्षीया संक्रमित महिलाको  बुटवलमा मृत्यु भएको छ । ज्वरो र श्वासप्रश्वासमा समस्या देखिएपछि बुधबार अस्पताल आएकी ती महिलाको बुधबार साँझ नै जिन एक्सपर्ट मेसिनमार्फत पीसीआर परीक्षण गर्दा कोरोना पोजेटिभ रिपोर्ट आएको थियो । कोरोना पुष्टि भएपछि महिलालाई अस्पतालकै फिबर क्लिनिकको आइसोलेसनमा राखेर उपचार भइरहेको थियो । लुम्बिनी प्रादेशिक अस्पतालमा उपचाररत महिलाको बिहीबार बिहान मृत्यु भएको हो । लुम्बिनी प्रादेशिक अस्पताल मातहत बुटवलको धागो कारखानामा सञ्चालित कोरोना विशेष अस्पताल र भैरहवाको भीम अस्पतालमा आइसियू बेड खाली नभएकाले विरामीलाई फिबर क्लिनिकको आइसोलेसनमा राखेर उपचार गरिएको थियो ।