संक्रमितको शब ब्यवस्थापन परम्परा र संस्कार अनुरुप गर्न देऊ : जसपा कपिलवस्तु

कपिलवस्तु २४ भदौ ।मृत्यु भएका कोरोना संक्रमितको सदगद धार्मिक परंम्परा अनुसार गर्न दिईनु पर्ने संघीय समाजबादी फोरम नेपालले माग गरेको छ । कपिलवस्तुका प्रजिअ दीर्घ नारायण पौडेललाई सो पार्टीले ज्ञापन पत्र बुझादै सो माग गरेको हो । पार्टी जिल्ला अध्यक्ष शैलेन्द्र कुमार यादवको अगुवाईमा गएको टोलीले धार्मिक मुल्य मान्यताका आधारमा सावधानी अपनाएर शवको ब्यवस्थापन गर्न दिनु पर्ने माग गर्नु भयो ।

    पत्रकार बनारसी बर्मा कोरोना संक्रमित भए पछि शव ब्यवस्थापनका बिषयमा तौलिहवाका युवाहरु र सुरक्षाकर्मी बिच गयराति केहि तनाव भएको थियो । प्रजिअ पौडेल र सरोकारवाला बिच छलफलपछि बल्ल धार्मिक मान्यताका आधारमा सावधानी अपनाई रामघाटमा दाहसस्कार गर्न दिइएको थियो । घरदेखि घाट सम्म सरकारले  दाहसस्कारकालागि बनाएको टोलीले शव लैजाने दाहसस्कार गर्ने अन्तिम तयारी अवस्थामा परिवारका सदस्यले सस्कार पुरा गर्ने गरी ब्यवस्था मिलाइएको थियो ।