सिमकोट कार्तिक ५ । हुम्ला जिल्ला अस्पतालका एक स्वास्थ्यकर्मीमा कोरोना सङ्क्रमण पुष्टि भएपछि अनिश्चितकालका लागी सेवा बन्द गर्दै सिल गरिएको छ । कार्तिक २ गते अस्पताले स्वास्थ्यकर्मी र सुरक्षाकर्मीे गरी १७ जनाको स्वाब सङ्कलन गरी परिक्षणका लागी सुर्खेत पठाएकामा मङ्गलबार दुई जनामा कोरोना पोजेटिभ देखाएको थियो ।
एक महिला स्वास्थ्यकर्मी र अर्का एक जनामा कोरोना पोजेटिभ देखिएपछि आकस्मिक र प्रशुति सेवाबाहेक अन्य सम्पूर्ण सेवा बन्द गर्दै अस्पताल सिल गरिएको अस्पतालका निमित्त कार्यालय प्रमुख सरिता बोहराले जानकारी दिनुभयो । सङक्रमित स्वास्थ्यकर्मीको संम्पर्कमा आएका अन्यको खोजी गरेर स्वाब सङ्कलन गरी कोरोना परीक्षण गर्नु पर्ने भएका कारण अस्पतालालाई केही दिनका लागि सिल गरिएको बताइएको छ । रा स स
प्रतिक्रिया