देउखुरीलाई प्रशासनिक,लुम्बिनी क्षेत्रलाई आर्थिक र पर्यटकीय राजधानी बनाउने निर्णय

बुटवल १९ भदौँ । नेकपा प्रदेश ५ संसदीय दलको बैठक सम्पन्न भएको छ । बैठकले  सरकारले ल्याएको राजधानी र नामसम्बन्धि प्रस्ताव पास गराउनका लागि सांसदहरुलाई निर्देशन दिएको छ।मुख्यमन्त्री शंकर पोखरेलले पार्टीको प्रदेश ५ इन्चार्जको हैसियतले सांसदहरुलाई सरकारले ल्याएको प्रस्ताव पास गराउनका लागि लाग्न निर्देशन दिएको नेकपा मुख्य सचेतक भूमिश्वर ढकालले जानकारी दिए। बैठकले दाङ देउखुरीलाई प्रशासनिक राजधानी बनाउने र लुम्बिनी क्षेत्रलाई आर्थिक र पर्यटकीय राजधानी बनाउने निर्णय गरेको छ । प्रदेश सरकारले त्यसै अनुरुप कार्यक्रम ल्याउने निर्णय पनि गरेको छ।नेकपा दलको बैठक सकिएपछि अबको केहीबेर प्रदेश सभा बैठक शुरु हुनेछ।