बाँकेमा कोरोना संक्रमित बृद्धाको मृत्यु

असोज २३ बाँके । बाँकेमा कोरोना संक्रमित एक बृद्धाको मृत्यु भएको छ । नेपालगन्जस्थित भेरी अस्पतालमा उपचाररत नेपालगन्ज उपमहानगरपालिका वडा नम्बर १ धम्बोजीकी ८५ वर्षीया बृद्धा महिलाको बिहीबार राती ९ मृत्यु भएको स्वास्थ्य कार्यालय बाँकेले जनाएको छ। राती मृत्यु भएपनि उनीमा शुक्रवार विहान मात्र कोरोना परीक्षणको रिपोर्ट पोजेटिभ आएको स्वस्थ्य कार्यालयका फोकल पर्सन नरेश श्रेष्ठले जानकारी दिनुभयो ।यससँगै बाँकेमा कोरोना संक्रमणबाट मृत्यु हुनेको संख्या २३ पुगेको छ । मृतक बृद्धा विगत केही समयदेखि दम रोगबाट पीडित रहेकी थिइन । उनलाई २१ गते स्वास्थ्यमा समस्या देखिएपछि भेरी अस्पतालमा भर्ना गरिएकोमा २२ गते मृत्यु भएको हो ।