कोरोनाका कारण बुटवलमा ३ जनाको मृत्यु ,

बुटवल २५ असोज ।कोरोनाका कारण बुटवलमा ३ जनाको मृत्यु भएको छ । उपचारका क्रममा अस्पतालको सम्पर्कमा आएका ३ जनाको ज्यान गएको हो  ।मृत्यु हुनेमा  बुटवल ११ का ८४ वर्षीय पुरुष ,७० बर्षीय पुरुष र ६१ वर्षीया महिला रहेका छन् । संक्रमित मध्ये  ८४ वर्षीय पुरुषको रुपन्देहीमा कुनै पनि अस्पतालमा आईसीयू बेड खालि नभएका कारण दाङ लैजाँदै गर्दा बाटोमा मृत्यु भएको थियो । शनिबार स्वास्थ्यमा समस्या देखिएर लुम्बिनी प्रादेशिक अस्पताल पुगेका उनको शनिबार नै कोरोना पुष्टि भएको हो  ।बिरामीको अवस्था जटिल रहेकाले लुम्बिनी अस्पतालले आईसीयू अनिवार्य भएपछि दाङ रेफर गरेकोमा धानखोला पुग्दा उनको मृत्यु भएको थियो ।

        त्यसैगरी गत असोज २२ कोरोना पुष्टि भएर २४ गते देखि कोरोना बिशेष अस्पतालमा भर्ना रहेका ७० बर्षीय पुरुषको पनी शनिबार राति  मृत्यु भएको हो । लुम्बिनी प्रादेशिक अस्पतालका प्रवक्ता डा. बिष्णु गौतमका अनुसार  उनी गत २२ गते देखि कोरोना बिशेष अस्पतालमा उपचार गराईरहेका थिए ।बुटवलमा मध्यराति २ बजे बुटवल ११ की ६१ वर्षीया महिलाको पनि मृत्यु भएको छ । गत असोज २१ गते कोरोना पुष्टि भएर कोरोना बिशेष अस्पतालमा भर्ना भएकी ६१ वर्षीया महिलाको मध्यराति २ बजे मृत्यु भएको डा. गौतमले बताए ।गएराति भएको मृत्युसँगै रुपन्देहीमा मृत्यु हुनेको संख्या ३७ पुगेको छ ।