वहुविवाह मुद्धामा फरार प्रतिवादी १० बर्षपछि पक्राउ

कपिलवस्तु २८ असोज । बहुविवाह मुद्धामा अदालतवाट कैद फैसलापछि फरार रहेका एक प्रतिवादी १० वर्षपछि पक्राउ परेका छन् । कपिलवस्तु प्रहरीले अदालतका फैसला कार्यान्वयन गराउने अभियानमा ती प्रतिवादी पक्राउ परेका हुन् । पक्राउ पर्नेमा बिजयनगर गाउपालिका वडा नं ३ बस्ने मोहम्मद हलिम मिया हलुवाई रहेका छन् । 

   उनी प्यूठान जिल्लाको साविक हंसपुर हालको सरुमारानी गाउपालिका वडा नं ३ बडडाडामा बस्दै आएका थिए । कपिलवस्तु प्रहरीले फरार प्रतिवादी रहको स्थान सहित प्यूठान प्रहरीलाई पक्राउ गर्न गरेको अनुरोध पछि उनी पक्राउ परेका हुन् । कपिलवस्तुका प्रहरी उपरिक्षक नवराज अधिकारीका अनुसार अदालतमा पेश गरिएकोमा अदालतले कैद भुक्तानकालागि कारागार चलान गरेको छ । 

   उनलाई कपिलवस्तु अदालतले २०६७मा वहुविवाह ठहरगर्दै १ वर्ष कैद र ५ हजार जरिवाना तोकेको थियो । फैसला पछि उनी फरार थिए । समसुरन मियाको जाहेरीले कपिलवस्तुको साविक पत्थरदेहिया गा.वि.स. वडा नं. १ हाल बिजयनगर गा.पा.वार्ड नं.३ वस्ने  मोहमद हलिम मिया हलुवाई भन्ने मोहमद हलिमलाई १ वर्ष कैद फैसला भएको थियो ।