वडा अध्यक्षको मोटरसाईकल चोरी

कपिलवस्तु २८ असोज । कपिलवस्तुको बिजयनगर गाउँपालिका वडा ५ का अध्यक्ष अनवर मुसलमानको मोटरसाईकल चोरी भएको छ । जिल्लाको सदरमुकाम तौलिहवा घरेलु तथा साना उद्योग कार्यालय परिसर बाट चोरी भएको अध्यक्ष मुसलमानले बताउनुभयो । लु ५९ प ८३११ नम्बरको निलो(रातो) पल्सर हराएको बताइएको छ । मंगलवार दिउँसो करिब ३ बजेको समयमा हराएकोले प्रहरी कार्यालयमा उजुरी दिइसकेको बताउनुभयो ।  वडा अध्यक्षको मोटरसाईकल हराएको सुचना आएकोले खोजिकार्य जारी रहेको जिल्ला प्रहरी कार्यालय कपिलवस्तुका प्रहरी नायव उपरिक्षक धर्मराज भण्डारीले बताउनुभयो ।