बलिउड फिल्म निर्माता फिरोजकी श्रीमती पक्राउ

काठमाडौँ २४ कार्तिक । बलिउडमा ड्रग्सको सम्बन्धको विषयमा नारकोटिक्स कन्ट्रोल ब्यूरो (एनसीबी) ले ‘फिर हेरा फेरी’ र ‘वेलकम ब्याक’ जस्ता फिल्मका निर्माता फिरोज नाडियाडवालाको घरमा छापा मारेको छ । रिपोर्टलाई विश्वास गर्ने हो भने आइतबार भएको यो छापामारीमा नाडियाडवालाको घरबाट करिब १० ग्राम गाँजा र तीन मोबाइल फोन जफत गरिएको छ । दुई साक्षीको उपस्थितीमा फिरोजकी श्रीमती शबाना सईदलाई एनबीसीले पक्राउ गरेको छ ।

फिरोजलाई सोधपुछका लागि बोलाइयोः

छापामारी हुँदा फिरोज घरमा थिएनन् । एनसीबीले उनलाई सोधपुछका लागि पत्र पठाएको छ । फिरोज सोमबार पेश हुनुपर्नेछ । अनुसन्धान एजेन्सीले हिरासतमा लिइएका केही संदिग्धसँगको सोधपुछका क्रममा फिरोजको नाम सार्वजनिक भएको थियो ।

शनिबार चार स्थानमा छापामारीः

एनसीबीले शनिबार मुम्बईका चार भिन्न–भिन्न स्थानमा छापा मारेको थियो । यतिबेला गाँजा, चरेस र अन्य ड्रग्स पनि बरामद भएको थियो । शनिबार बेलुका भएको छापामारी पछि चारजनालाई हिरासतमा लिइएको थियो जोसँग हाल अनुसन्धान एजेन्सीले सोधपुछ गरिरहेको छ ।