बिप्लवको गृहथलोका हरेक घरमा छापा ,देवकी पक्राउ

कपिलवस्तु १० मंसिर । नेत्र विक्रम चन्द विप्लपले नेतृत्व गरिरहेको नेपाल कम्युनिष्ट पार्टीका कार्यकर्तालाई कपिलवस्तुबाट पक्राउ गरेको लुम्बिनी प्रदेश प्रहरी कार्यालय दाङले जनाएको छ । नेत्र विक्रम चन्द विप्लपको गाँँउ शिवगढी क्षेत्रका हरेक घरमा छापा हानेर सर्च गर्नुका साथै चेकजाचमा व्यापक प्रहरी परिचालन गरेपछी सोमबार एक जनालाई पक्राउ गरेको हो ।

    कपिलवस्तुको बिजयनगर गाउँपालिका ४ त्रिपालनगर स्थित प्रहरी चौकी पत्थरदेइयाका प्रहरी सहायक निरिक्षक हेम बहादुर जिसीको कमण्डमा खटिएको टोलीले विप्लव कार्यकर्तालाई पक्राउ गरेको लुम्बिनी प्रदेश प्रहरी कार्यालय दाङका प्रहरी बरिष्ठ उपरिक्षक राज कुमार बैदावरले जानकारी दिनुभयो ।

    त्रिपालनगरबाट चन्द्रौटातर्फ जाँदै गरेको बर्ष ३९ को देवराज देवकी चेकजाँच गर्दा बिप्लब समुहको झण्डा र पर्चा सहित फेला परेपछी नियन्त्रणमा लिएको प्रहरीले जनाएको छ । पक्राउ परेका देवकीको बारेमा आवश्यक अनुसन्धान भैरहेको प्रहरीले जनाएको छ ।

    त्यस्तै गणेशपुर इलाका प्रहरी कार्यालयले कपिलवस्तुको बिजयनगर गाँउपालिका १ नेउलागंजका जोखु थारुको घरबाट एक थान भरुवा बन्धुक बरामद गरेको छ । भारुवा बन्दुक सहित जोखु थारुलाई समेत नियान्त्रणमा लिएको लुम्बिनी प्रदेश प्रहरी कार्यालय दाङले जनाएको छ ।