पाँच रुपैया किलोमा पनि बिक्न छाड्यो मुला ।

   चिसो
मौसम बढ्दै जाँदा खेतमा लगाएका मुला बिक्री नभए पछि कपिलवस्तुका तरकारी
कृषक समस्यामा परेका छन् । कपिलवस्तुमा व्यवसायीक रूपमा तरकारी खेती गर्दै
आएका बुद्धभुमी, वाणगंगा, कपिलवस्तु नगरपालिकाका कृषकहरू मुला खरिद गर्ने
ग्राहक नभए पछि सस्तो मूल्यमा बिक्री गर्न बाध्य भएका छन् । बजारमा मुलाको
माग कम हुन लागे कृषक प्रति किलो ५ रुपैयाँका दरले बिक्री गरेका छन् । निकै
सस्तोमा मूल्य भए पनि बजारमा मुलाको बिक्री गुन्यु रहेको छ । उत्पादन
अनुसार खपत नभए पछि कृषकहरूले बाहिरी जिल्लामा बिक्रीका लागि पहल गरिदिन
अनुरोध गरेका छन् । 

    स्थानीय बजारमा मुला उपभोग कम छ । अहिले ५ रुपैया
किलो बिक्री गर्दा पनि ग्राहक फेला परेका छैनन् । मुलाले चिसो उङ्ने भन्दै
ग्राहकहरू खरिद नगरी फर्कने गरेका छन् । ’बुद्धभुमी १० लोहरौलाका कृषक राय
केवट बताउँछन् । केवटको डेढ कट्ठामा लगाएको मुला बिक्री नहुँदा खेतबारी मै
रहेको छ । लोहरौरा मात्र नभई मोतिनगर, धर्मपुर, गगनी लगायतका खेत मुलाले
भरिएका छन् । 

    बुद्धभुमी १० मोतिनगरका अगुवा कृषक गंगा सागर केवटका
अनुसार कृषकले उत्पादन गरेको मुला बिक्री नभएको बताए । दुई साता अगाडी ५०
रुपैया केजीको हाराहारीमा बिक्री भएको मुलाले चिसो बढे पछि ग्राहक नपाएको
बताए । शनिवार पिकनिक खाने बढी हुने दिन भएको र बिहेको दिन मात्र माग रहेको
छ । अन्य दिनमा ग्राहक पाउन कठिन रहेको बताउँछन् ।