७२ औँ अन्तर्राष्ट्रिय मानव अधिकार दिवसको अवसरमा रक्तदान कार्यक्रम हुने

कपिलवस्तु २६ मंसिर । रगत नपाए कपिलवस्तु जाऔँ भन्ने नारालाई  आत्मसात गर्दै कपिलवस्तुमा रक्तदान कार्यक्रम हुने भएको छ । भोली ७२ औँ अन्तर्राष्ट्रिय मानव अधिकार दिवसको अवसरमा मानव अधिकार तथा शान्ति समाज जिल्ला शाखा कपिलवस्तुले वृहत् रक्तदान कार्यक्रमको आयोजना गरेको हो । साताव्यापी कार्यक्रम अन्तर्गत रक्तदान कार्यक्रमको आयोजना गरिएको हो । शुक्रबार पत्रकार सम्मेलनको आयोजना गरी रक्तदानबारे जानकारी दिँदै  सभापति गोविन्द पोख्रेलले डेढ सय पोका रगत संकलन गर्ने लक्ष्य रहेको  बताउनु भयो ।

सि एण्ड सि हस्पिटलमा विहान ९ बजेदेखि १ बजेसम्म  रक्तदान हुने उहाँले बताउनुभयो।  पोख्रेलले यो सबैको कार्यक्रम भएकाले सहभागी हुन समेत उहाँले आग्रह गर्नुभयो ।संस्थाका कोषाध्यक्ष माधव घिमिरेको सञ्चालनमा सम्पन्न कार्यक्रममा संस्थाका प्रेस संयोजक सदस्य बुद्धि सागर बेल्वासे लगायतको उपस्थिति रहेको थियो ।