दाङमा ७० वर्षीया कोरोना संक्रमित महिलाको मृत्यु

दाङ २८ मंसिर । तुलसीपुर उपमहानगरपालिका–६ की ७० वर्षीया कोरोना संक्रमित महिलाको मृत्यु भएको छ। उपमहानगरका फोकल पर्सन विमल केसीका अनुसार ती महिलाको शनिबार राति मृत्यु भएको हो। कोरोना संक्रमण पुष्टि भएपछि दाङ ल्याउने क्रममा उनको बाटोमा मृत्यु भएको केसीले बताए। मंसिर २६ मा कोरोना संक्रमण पुष्टि भएको ती महिलामा दमको समस्या भएको बताइएको छ।उपमहानगरमा अहिलेसम्म कोरोना संक्रमणबाट २० जनाको मृत्यु भइसकेको छ। संक्रमितको संख्या ७८५ पुगेको छ। तीमध्ये ६९७ जना कोरोनामुक्त भइसकेका उपमहानगरको जन स्वास्थ्य प्रवर्द्धन शाखाले जनाएको छ।