६ हजार ७ सय ६ पिसिआर परीक्षण गर्दा ४ सय १२ जनामा कोरोना संक्रमण पुष्टि

 काठमाडौं २३ पुष ।पछिल्लो २४ घण्टामा मुलुकका विभिन्न स्थानमा रहेका प्रयोगशालामा थप ६ हजार ७ सय ६ पिसिआर परीक्षण गर्दा ४ सय १२ जनामा कोरोना संक्रमण पुष्टि भएको छ ।स्वास्थ्य तथा जनसंख्या मन्त्रालयले दिएको जानकारीअनुसार हालसम्म १९ लाख ६९ हजार दुई सय ९२ जनाको पिसिआर परीक्षण गरिएको छ। मन्त्रालयका अनुसार कुल संक्रमित २ लाख ६३ हजार ६ सय ५ जना छन्। जसमध्ये सक्रिय संक्रमित पाँच हजार ५८ छन् ।बितेको २४ घण्टामा थप चार जना कोरोना संक्रमितको मृत्यु भएको छ।

नेपालमा हालसम्म कोरोनाकै कारण मृत्यु हुनेको संख्या १९ सय ३ जना पुगेको छ पछिल्लोपटक चार सय ८३ संक्रमणमुक्त भएका छन् ।हालसम्म २ लाख ५६ हजार ६ सय ४४ जना संक्रमणमुक्त भएका छन्। निको हुनेको दर ९७ दशमलब ४ प्रतिशत रहेको मन्त्रालयले जनाएको छ । हाल क्वारेन्टाइनमा रहनेको संख्या तीन सय ४२ छ। त्यस्तै, काठमाडौं उपत्यकाका दुई सय ५१ जना रहेका छन् । जसमा महिला एक सय ११ छन र पुरुष एक सय ४० जना छन् ।