थप ३ सय ३६ जनामा कोरोना भाइरसको सङ्क्रमण पुष्टि

काठमाण्डौ ८ माघ । आज ३ सय ३६ जनामा कोरोना भाइरसको सङ्क्रमण पुष्टि भएको छ ।स्वास्थ्य तथा जनसङ्ख्या मन्त्रालयका अनुसार ५ हजार ३० जनाको पीसीआर परीक्षण भएकोमा तीन सय ३६ जनालाई कोरोना पोजेटिभ देखिएको हो । योसँगै नेपालमा कोरोना सङ्क्रमितको सङ्ख्या २ लाख ६८ हजार ६ सय ४६ पुगेको छ ।यस्तै पछिल्लो २४ घण्टामा दुई सय २६ जना निको भएसँगै कोरोना सङ्क्रमणबाट मुक्त हुनेको सङ्ख्या २ लाख ६२ हजार ८ सय ६८ जना पुगेको छ । अहिले नेपालमा ३ हजार ७ सय ९९ जना सक्रिय सङ्क्रमित रहेका छन् । बिहीवार सङ्क्रमण पुष्टि भएकामध्ये १  सय ९८ जना काठमाण्डौ उपत्यकाका रहेका छन् ।यस्तै थप ४ जनाको ज्यान गएसँगै नेपालमा कोरोना सङ्क्रमणबाट ज्यान गुमाउनेको सङ्ख्या १ हजार ९ सय ७९ पुगेको छ ।