काठमाण्डौ १४ माघ । पछिल्लो २४ घण्टामा थप २ सय ८३ जनामा कोरोना भाइरसको सङ्क्रमण पुष्टि भएको छ ।चार हजार तीन सय ८२ जनाको पीसीआर परीक्षण गर्दा २ सय ८३ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । योसँगै नेपालमा कोरोना सङ्क्रमित हुनेको सङ्ख्या २ लाख ७० हजार ३ सय ७५ जना पुगेको छ ।
यस्तै पछिल्लो २४ घण्टामा दुई सय ४६ जना निको भएसँगै कोरोना सङ्क्रमणबाट निको हुनेको सङ्ख्या दुई लाख ६५ हजार ५९ पुगेको छ । यस्तै थप ३ जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या दुई हजार २० पुगेको छ ।अहिले नेपालमा तीन हजार दुई सय ८६ जना आइसोलेशनमा रहेका छन् ।
प्रतिक्रिया