बुटवल ८ चैत्र । गुल्मीको चारपाला रुपन्देही सम्पर्क समाजले रुपन्देहीका क्रियाशिल पत्रकार सञ्जु पौडेललाई सम्मान गरेको छ । समाजले आफ्नो दोस्रो वार्षिक साधारण सभाको अवसरमा शनिवार पत्रकार पौडेललाई सम्मान गरेको हो । संचारको माध्यमबाट समाजलाई सहयोग पुर्याएको भन्दै कान्तिपुर दैनिकका रुपन्देही संवाददाता तथा मिडिया एक्सन नेपालका लुम्बिनी प्रदेश संयोजक रहेकी पौडेललाई नगदसहित सम्मान गरेको समाजका उपाध्यक्ष उषा खत्रीले बताइन् । यसैगरी समाजले साधारण सभाको अवसरमा एकल भएर पनि सामाजिक काममा अघि सरेका २ महिलालाई सम्मान गरेको छ ।
सम्मानित हुनेमा ईन्दिरा ज्ञवाली र रुपा महोतरा रहेका छन् ।सभामा प्रगती प्रतिवेदन प्रस्तुत गर्दै समाजका अध्यक्ष हुमनाथ ज्ञवालीले आगामी वर्षमा समाजको कार्यक्षेत्र विस्तार गर्ने र थप योजना सहित अघि बढ्ने बताए । उनले वर्षभरि गुल्मी चारपाला रुपन्देहीले गुल्मी र रुपन्देही दुवै जिल्लामा सेवामुलक सामाजिक काम गरेको भन्दै निरन्तर यस्ता कार्य गरिरहने जानकारी दिए । त्यस्तै, आय व्ययको प्रतिवेदन प्रस्तुत गर्दै कोषाध्यक्ष काजीमान टण्डनले सदस्य र सल्लाहकारहरुको संकलनबाट जममा हुने रकमले नै अहिलेसम्म कार्य गर्न सकिरहेको जिकीर गर्दै आगामी दिनमा कोष नै खडा गरेर सामाजिक अभियान चलाउने बताए ।
प्रतिक्रिया