बुटवल २६ असार। बुटवलबाट साढे २८ किलो लागुऔषध चरेससहित २ जनालाई प्रहरीले पक्राउ गरेको छ । लुम्बिनी प्रदेश प्रहरी कार्यालय तुलसीपुरका अनुसार बाग्लुङ बढिगाउँ गाउँपालिका ८ निवासी ३६ वर्षीय रोहित राना र सोही ठाउँ निवासी ६३ वर्षीय जीवन पुन रहेका छन् ।
शुक्रबार साँझ करिब सवा ६ बजेतिर बुटवल उपमहानगरपालिका ११ देविनगरस्थित नमस्ते पथ केएफसी पिज्जा हबमा चरेसको कारोबार भइरहेको भन्ने सूचनाको आधारमा लुम्बिनी प्रदेश अनुसन्धान समूह (आरआइटी) टोलीले २८.५ किलो लागुऔषध चरेससहित उनीहरूलाई पक्राउ गरेको हो ।
साथै प्रहरीले लु२५प ६५४४ नम्बरको स्कुटर पनि नियन्त्रणमा लिएको बताएको छ । पक्राउ परेकालाई लागु औषध कारोबार मुद्दा दर्ता गरी थप अनुसन्धान भइरहेको प्रहरीको भनाइ छ।
प्रतिक्रिया