बुद्धभुमी क्याम्पसमा पहिलो पटक एम.बि.एस पढाई ।

कपिलवस्तु साउन ११ 

कपिलवस्तुको बुद्धभुमी नगरपालिका ९ चौवन्नपुरमा रहेको बुद्धभुमी क्याम्पसमा पहिलो पटक एम.बि.एस कक्षा संचालन हुने भएको छ । त्रिभुवन विश्व विद्यालयबाट शैक्षिक सत्र २०७८ को लागि सम्बन्धन पाए .सँगै भर्ना खुलाएको छ । क्याम्पस प्रमुख कृष्ण प्रसाद खनालका अनुसार एम.बि.एस सम्बन्धन प्राप्त गरे सँगै जिल्लाको बुद्धभुमी देखी पश्चिम भेगमा बिद्यार्थी लाभान्वित हुने बताउनु भयो । 

जिल्लामा सिद्धार्थ क्याम्पस बाणगंगा र कपिलवस्तु बहुमुखी क्याम्पस तौलिहवामा यस अगाडी देखी एम.बि.एसमा कक्षा संचालनमा आएको थियो । २०६५ साल मा स्थापना भएको क्याम्पसमा यस अगाडी बि.एड. र बि.बि.एस. तह सञ्चालन भएको थियो । क्याम्पसमा हाल २ सय बढी विद्यार्थीले अध्ययन गर्दै आएको क्याम्पस व्यवस्थापन समितीका अध्यक्ष राजेन्द्र राज आचार्यले बताउनु भयो ।