प्राविधिक समस्यापछि गुण एअरलाइन्सको जहाज काठमाण्डौ फिर्ता

काठमाण्डौ, ०२ माघ । काठमाण्डौबाट पोखराका लागि उडेको गुण एअरलाइन्सको जहाजमा प्राविधिक गडबडी भएको छ । गडबडीपछि जहाज पुनः काठमाण्डौ फर्काइएको छ ।

आज बिहान १० बजेतिर उडेको जहाजको ढोका लक गर्ने ठाउँमा समस्या देखिएपछि फेरि काठमाण्डौमा नै फर्काइएको नेपाल नागरिक उड्ययन प्राधिकरणका प्रवक्ता चन्द्रलाल कर्णले जानकारी दिनुभयो ।

काठमाण्डौबाट उडेको ५ मिनेटमै जहाजको ढोका खुलेपछि फेरी काठमाण्डौ नै फर्काइएको हो ।

प्रवक्ता कर्णका अनुसार अहिले प्राविधिकले जहाजको प्राविधिक समस्या जाँच गरिरहेका छन् । जहाजमा १५ यात्रुसहित चालकदलका ३ सदस्य थिए । यात्रुलाई अर्को हवाई जहाजबाट पोखरा पठाएको छ ।