महोत्सव सफल बनाउन मिडियाको भुमिका अहमः मिडिया संयोजक पौडेल

कपिलवस्तु, ०३ चैत्र ।
कपिलवस्तु उद्योग बाणिज्य संघको आयोजनामा ‘सक्षम व्यवसायी समृद्ध राष्ट्र र स्वाधिन अर्थतन्त्र’ भन्ने मुल नाराका साथ आज (बिहिवार) ३ गते देखि चैत्र १३ गतेसम्म बाणगंगास्थित बुद्ध रंगशालामा सञ्चालन हुन लागेको १२ औं कपिलवस्तु महोत्सवसफल बनाउन मिडियाको अहम भुमिका भएको मिडिया संयोजक अशोक पौडेलले बताउनु भयो । विगतका बर्ष भन्दा पनि यसबर्ष मैसमको अनुकुलता तथा कोरोनाका कारण ढिला हुन गएको महोत्सवलाई भव्यताका साथ सफल बनाउन मिडियाले महत्वपुर्ण भुमिका खेल्न आग्रह गर्नु भएको छ । उहाँले जिल्ला भरिका तथा छिमेकी जिल्लाका सबै मिडियाहरुले तिव्र प्रचार प्रशार गरेर सहयोग गर्न अपिल समेत गर्नु भएको छ । यसोत अहिले सम्म मिडियाले दिएको साथ सहयोगले महोत्सव सफलहुने कुरामा आफु विश्वस्त भएको उहाँको भनाई छ ।