कपिलवस्तुमा रोलरले किच्दा हुलाकि सड्कका सुपरभाईजरको मृत्यु

कपिलवस्तु, ०८ चैत्र ।
कपिलवस्तुमा रोलरले किच्दा हुलाकि सड्कका सुपरभाईजरको मृत्यु भएको छ । महाराजगंज नगरपालिका– २ गैडहवा स्थित तौलिहवा बहादुरगंज हुलाकि सड्क खण्डमा बाटो पिच गर्ने क्रममा अचानक रोलरले ठक्कर दिँदा सोहि सड्कका सुपरभाईजरको मृत्यु भएको हो । कपिलवस्तु नगरपालिका–४ दालपुर बस्ने अन्दाजि ३५,३६ बर्षका बसन्त कुमार यादव लाई जिल्ला अस्पताल तौलिहवाले मृत्यू घोषणा गरेको जिल्ला प्रहरी कार्यलय तौलिहवाले जनाएको छ । बा २ क ४३३९ नम्बरको रोलरले मंगलवार विहान ठक्कर दिएको बताईएको छ । ठक्कर दिने रोलर र चालक प्रहरीको नियन्त्रणमा रहेका छन् । मृतकको लासलाई अहिले जिल्ला अस्पताल तौलिहवामा राखिएको छ । चालकको लापहरवाईले यादवको मृत्यू भएको उनका आफन्तको आरोप छ ।