कपिलवस्तु १० चैत । १२ औं कपिलवस्तु महोत्सव एवम् कृषि, पर्यटन तथा औधोगिक प्रदर्शनीको सातौं दिन १४ हजार हजार दर्शकले अवलोकन गरेका छन् । महोत्सवमा बुधबार आज १४ हजार दर्शकले अवलोकन गरेका कपिलवस्तु उद्योग बाणिज्य संघका महासचिव मनोज पौडेलले जानकारी दिनुभयो । महासचिव पौडेलका अनुसार आज करिब २१ लाख बराबरको आर्थिक कारोबार भएको छ । कपिलवस्तु महोत्सवमा थप उत्साह छाउँदै गएको महोत्सवका संयोजक समेत रहेका कपिलवस्तु उद्योग बाणिज्य संघका अध्यक्ष डोलकराम घिमिरेले बताउनुभयो ।
महोत्सवमा आज चर्चित लोक तथा दोहोरी गायक पुस्कल शर्मा, लोक तथा दोहोरी गायिका अस्मिता डल्लाकोटी, थारु गायक राज कुस्मीसहित स्थानीय कलाकारले बेजोड प्रस्तुति राखेको उद्योग बाणिज्य संघका वरिष्ठ उपाध्यक्ष तथा महोत्सवका निर्देशक छवि रेस्मी मगरले बताउनुभयो । निर्देशक रेस्मीका अनुसार विहिबार भोलि चर्चित लोक तथा दोहोरी गायक बद्रि पंगेनी, चर्चित आधुनिक गायिका रचना रिमाल, लोक तथा दोहोरी गायिका रिता थापा, रुविना अधिकारीसहित स्थानीय कलाकारको बेजोड प्रस्तुति रहने छ ।
यस्तै आज १० औं कपिलवस्तु डान्स आईडलतर्फ ९ जना प्रतियोगीहरुले नृत्य प्रस्तुत गरेका छन् । जसमध्ये एक जना प्रतियोगी बाहिरिएका डान्स आइडल संयोजक बिरेन्द्र खाँणले जानकारी दिनुभयो । संयोजक खाँणका अनुसार विवेक के.सी प्रतियोगिताबाट बाहिरिएका हुन् । प्रतियोगिताबाट बाहिहिनेलाई आयोजकले सम्मान स्वरुप प्रसंशा पत्र प्रदान गर्दै आएको छ ।
प्रतियोगी भोटिङ र जजहरुको मूल्याङ्कनका आधारमा प्रतियोगिताबाट बाहिरिने छन् । यस्तै आज बाणगंगा नगरपालिका स्तरीय भएकोे वक्तृत्वकला प्रतियोगीता, गायन प्रतियोगिता र नृत्य प्रतियोगितामा प्रथम, द्धितीय र तीतृय हुनेले महोत्सवमा आफ्नो प्रतिभा प्रस्तुत गरेका छन् । उनीहरुलाई आयोजक कपिलवस्तु उद्योग वाणिज्य संघले नगदसहित सम्मान समेत गरेको छ । सो क्रममा महोत्सवलाई प्रत्यक्ष तथा अप्रत्यक्ष रुपमा सहयोग गर्ने विद्यालयलाई सम्मान पनि सम्मान प्रदान गरिएको छ । ‘सक्षम व्यवसायी समृद्ध राष्ट्र र स्वाधिन अर्थतन्त्र’ भन्ने मुल नाराका साथ महोत्सव चैत्र ३ गतेदेखि सुरु भएको हो ।
महोत्सव चैत्र १३ गतेसम्म बाणगंगास्थित बुद्ध रंगशालामा चल्ने छ । महोत्सवमा करिब २ लाख बढी दर्शकले अवलोकन गर्ने आयोजकले दाबी गर्दै आएको छ भने ५ करोड बराबरको कारोबार गर्ने लक्ष्य लिएको छ ।
प्रतिक्रिया