कपिलवस्तु, २० चैत्र ।बाणगंगा नगरपालिका, कपिलवस्तुले ६५ औं राष्ट्रिय सहकारी दिवसको सन्दर्भमा नगरका चार सहकारीलाई एक कार्यक्रमका बीच सम्मानित गरेको छ । सम्मानित हुने सहकारीहरुमा सिनर्जी बहुउद्देश्यीय सहकारी संस्था लि., सिद्धार्थ बचत तथा ऋण परिचालन सहकारी संस्था लि., साना किसान कृषि सहकारी संस्था लि. मोतिपुर, नयाँ किरण उपभोक्ता सहकारी संस्था लि. रहेका छन् ।कार्यक्रममा नगर प्रमुख मंगल प्रसाद थारुले सहकारीहरुलाई मर्जर हुन आग्रह गर्दै पारदर्शितामा ध्यान पु¥याउन आग्रह गर्नु भयो । त्यस्तै नगर उपप्रमुख चक्रपाणी अर्यालले नगरको समृद्धिका निम्ति सहकारीहरुले आफ्ना उद्देश्यीय अनुरुप कार्य संचालनमा जोड दिन आग्रह गर्नु भयो ।
कार्यक्रममा बाणगंगा नगरका प्रमुख प्रशासकिय अधिकृत टेकराज पंथीले नगर भित्रका सहकारीहरुको वर्तमान अवस्था समेटिएको प्रतिवेदन र बाणगंगा नगर संजालका अध्यक्ष तेज प्रसाद आचार्यले मर्यादित व्यवसाय र प्रविधिमा सहकारी मार्गदर्शन २०७८ विषयमा प्रतिवेदन प्रस्तुत गर्नु भएको थियो ।कार्यक्रममा बाणगंगा नगरपालिका वडा नं. ८ का वडा अध्यक्ष गुणानिधी भुसाल, वडा नं. १ का वडा अध्यक्ष बाल कुमारी पन्त, सिनर्जी बहुउद्देश्यीय सहकारी संस्था लि.का अध्यक्ष लक्ष्मण बेल्बासे, बाणगंगा दुग्ध सहकारीका अध्यक्ष राधेश्याम न्यौपानेले मन्तब्य राख्नु भएको कार्यक्रमको संचालन नगरका प्रशासन शाखा प्रमुख अधिकृत केशवराज भट्टराईले गर्नु भएको थियो । बाणगंगा नगरपालिकाको आयोजना र बाणगंगा नगर सहकारी संजालसंगको सहकार्यमा आयोजित कार्यक्रममा बाणगंगा नगरका सहकारीका अध्यक्ष , ब्यवस्थापक एवम् प्रतिनिधीहरुको उपस्थिती रहेको थियो ।
प्रतिक्रिया