भूमिहीनलाई अस्थायी नाप नक्साको निस्सा वितरण कार्य सुरु

कपिलवस्तु : जिल्लाको बुद्धभूमि नगरपालिकाले भूमिहीनलाई नाप नक्साको अस्थायी निस्सा वितरण कार्य सुरु गरेको छ । वडा नं. १ को पत्थरकोटबाट १२ जना दलित भूमिहीनलाई वितरण गरि उक्त कार्य सुरु गरिएको हो ।

कार्यक्रममा बोल्दै नगर प्रमुख केशवराज श्रेष्ठले लामो समय देखी जग्गा प्राप्त गर्न नसकेका हरूको लागि नगरपालिकाको प्रयास र राष्ट्रिय भूमि आयोगको समन्वयमा नाप नक्सा प्रमाणपत्र वितरण कार्य शुरु भएको बताए ।

त्यस्तै ५० जना भूमिहीन सुकुम्वासीलाई समेत अस्थायी निस्सा वितरण गरिएको छ । बर्षौदेखि जग्गा नभएका तर बसोबास गरिरहेका स्थानीयले जग्गाको स्वामित्व पाउने आश पलाएको छ ।

वितरण समारोहमा बुद्धभूमी नगरपालिका प्रमुख केशव कुमार श्रेष्ठ ,वडा नं १ अध्यक्ष तेज बहादुर बस्नेत लगायतको सहभागिता रहेको थियो ।