मधौलिया वन उद्यान (लभपार्क) प्रवेशमा नयाँ बर्ष देखि टिकट लाग्ने

हरि घिमिरे, ०१ वैशाख
कपिलवस्तुको बाणगंगा ५ मा रहेको मधौलिया वन उद्यान (लभपार्क) मा बैशाख १ गते (आज) देखि टिकट लाग्ने भएको छ । निमार्णाधिन अवस्थामा रहेको पार्कको काम सकिएपछि शुल्क (टिकटं)को व्यवस्था गरिएको हो । पार्क प्रवेशमा बाह्य तथा आन्तरीक पर्यटकलाई छुट्टा छुट्टै टिकट लाग्ने समितिले जनाएको छ । पार्क भित्र निर्माण भएको मधौलिया वन उद्यान मंडला वाटर फउन्टेनको काम सुसम्पन्न भएपछि बुधवार उद्घाटन गर्दै टिकटको जानकारी गराएको हो । जसमा विद्यार्थी तथा आन्तरिक पर्यटकलाई १० रुपैयाँ, बाह्य पर्यटकलाई १५ रुपैयाँ तोकिएको छ । त्यस्तै बार्षिक रुपमा प्रवेश पासकार्ड बनाउनेहरुको हकमा १०० रुपैयाँ लाग्ने बताईएको छ । पार्कमा निमार्ण भएको मंडला वाटर फउन्टेनर विद्युत बत्तिहरुको वडा न। ५ का अध्यक्ष भिष्मराज भुसाल, वडा न. ४का वडा अध्यक्ष गणेश क्षेत्रिले संयुक्त उद्घाटन गर्नु भएको थियो । कार्यक्रममा हर्ट विट एफ.एमका अध्यक्ष तथा लायन्स कल्ब अफ कपिलवस्तुका अध्यक्ष धातानन्द भुसालको आतिथ्यता, मधैलि सामुदायिक वन उपभोक्ता समितिका अध्यक्ष खणानन्द गैतमको अध्यक्षता रहेको कार्यक्रमको सञ्चालन वनका उपाध्यक्ष तुल्सी प्रसाद अर्यालको सञ्चालनमा सम्पन्न भएको थियो । कार्यक्रममा विभिन्न टोल विकास सस्थांका पदाधिकारीहरुको उपस्थीति रहेको थियो ।