पूर्व सांसद तथा कपिलवस्तुका कांग्रेस नेता आचार्यको निधन

कपिलवस्तु, १० वैशाख ।
नेपाली कांग्रेस कपिलवस्तुका वरिष्ठ नेता तथा पूर्व सांसद विष्णुराज आचार्यको निधन भएको छ । आचार्यको उपचारको क्रममा काठमाडौंमा ७४ वर्षको उमेरमा निधन भएको हो । उनको जन्म २००४ सालमा भएको थियो । नेता आचार्य २०४८ र २०५१ सालको निर्वाचनमा कपिलवस्तु क्षेत्र नं ३ बाट सांसद पदमा निर्वाचित भएका थिए । उनको निधनले कपिलवस्तु कांग्रेस शोकमा डुबेको छ ।

नेपाली कांग्रेस कपिलवस्तुले एक शोक विज्ञप्ति जारी गर्दै आचार्यको निधनले कपिलवस्तु कांग्रेसलाई ठूलो क्षति भएको नेपाली कांग्रेस कपिलवस्तुका सभापति अब्दुल कलामले बताए । नेपाली कांग्रेस कपिलवस्तुले शोकाकुल परिवारजनमा गहिरो सम्वेदना प्रकट गर्दै अभिभावक गुमेको प्रति दुःख व्यक्त गरेको छ ।
नेता आचार्यको कपिलवस्तुको बुद्धभूमि नगरपालिका ९ मा घर रहेको छ भने हाल काठमाडौंमा बस्दै आएका थिए । उनको शनिबार बिहान निवासमै निधन भएको हो । उनका ३ छोरी र श्रीमती रहेका छन् । उनका भाइ सुरेन्द्र नेपाली कांग्रेस लुम्बिनी प्रदेश महामन्त्री छन् ।