पर्यटन क्षेत्रको विकास संगै स्थानियको आय आर्जनमा जोड दिन्छौं : प्रत्यासी मेयर डा. गुप्ता

कपिलवस्तु, २७ बैशाख ।नेकपा (एमाले) को तर्फबाट कपिलवस्तु नगरपालिकाका मेयरका प्रत्यासी राजेश कुमार गुप्ताले पर्यटन क्षेत्रको विकास मार्फत ऐतिहासिक कपिलवस्तु नगरपालिकाबासीको आयआर्जन बढाउने बताउनु भयो । मेयरका प्रत्यासी राजेश कुमार गुप्ताले नगरपालिका भित्र पर्ने ऐतिहासिक, पुरातात्विक स्थल तिलौराकोट दरवार, पर्यटकिय स्थल जगदिशपुर ताल जस्ता राष्ट्रिय, अन्तराष्ट्रिय महत्व राख्ने स्थलहरुको गुरु योजना निर्माण संगै कार्यान्वयनमा जोड दिने प्रतिवद्धता ब्यक्त गर्नु भयो । मेयरका प्रत्यासी गुप्ताले स्थानियबासीले पर्यटन क्षेत्रबाट लाभका लागि आवश्यक सिप, क्षमता वृद्धि गर्दै स्थानियले फाइदा लिने वातावरण निर्माणमा आफ्नो जोड रहेन प्रतिवद्धता ब्यक्त गर्नु भयो ।
मेयरका प्रत्यासी डा.राजेश कुमार गुप्ताले तौलिहवा बजार क्षेत्रको सौन्दर्यकरण, लगायतका नगरपालिका भित्र भौतिक पूर्वाधारको विकासमा आफु अहोरात्र खटने प्रतिवद्धता ब्यक्त गर्नु भयो । मेयरका प्रत्यासी राजेश कुमार गुप्ताले सिचाईको ब्यवस्थापन गर्दै कृषि जन्य वस्तुको उत्पादकत्व वृद्धिमा जोड दिने बताउनु भयो ।
मेयरका प्रत्यासी राजेश कुमार गुप्तालले समृद्ध नगर, सुखी नगरवासी बनाउने संकल्प पुरा गर्ने विषयमा आफुले कुनै कसर बाँकी नराख्ने बताउनु भयो । गुप्ताले नगरबासीको सुन्दर भविश्यका लागि एमालेका सूर्य ध्वजावाहक उम्मेद्वारर्लाई विजयी बनाउन आग्रह गर्नु भयो । मेयरका प्रत्यासी गुप्ताले नगरबासीको जिज्ञासालाई सम्बोधन गर्दै यस्तो धारणा सार्वजनिक गर्नु भएको हो ।
त्यस्तै उपमेयरकी प्रत्यासी तुल्सादेवी पाण्डेले तौलिहवामा रहेको अस्पतालको स्तर उन्नतीमा प्रदेश एवम् संघ सरकारसंग सहकार्य गर्दै आधुनिक सेवा संचालन गर्ने बताउनु भयो । उपप्रमुखकी प्रत्यासी तुल्सादेवी पाण्डेले एकल महिला, दलित, विपन्न, वृद्धहरुलाई निशुल्क एम्बुलेन्स सेवा संचालन गर्ने प्रतिवद्धता गर्नु भयो ।