बुद्धभूमिका मेयर श्रेष्ठले लिए पद तथा गोपनियताको शपथ

कपिलवस्तु, ०९ जेठ ।
कपिलवस्तु बुद्धभूमि नगरपालिकाका नवनिर्वाचित नगर प्रमुख केशवकुमार श्रेष्ठले सोमबार पद तथा गोपनियताको शपथ खानुभएको छ । दोस्रो कार्यकालका लागि नगर प्रमुखमा निर्वाचित श्रेष्ठले सोमबार विहान मुख्य निर्वाचन अधिकृत तथा जिल्लाका न्यायधीश तेजेन्द्र प्रसाद शर्माबाट शपथ खानुभएको हो ।

नेपाली कांग्रेसबाट निर्वाचित नगर प्रमुख श्रेष्ठले आफुले शपथ खाए लगत्तै नगरपालिकामा आएर नगर उप प्रमुख मीरा थारु लगायत निर्वाचित वडा अध्यक्ष र सदस्यहरुलाई एकमुष्ट शपथ खुवाउनुभएको थियो ।