कपिलवस्तुका ५ पालिकामा सोमवारबाट हैजाविरुद्धको खोप अभियान सुरु हुँदै

कपिलवस्तु, १२ जेठ । कपिलवस्तु जिल्लामा हैजा विरुद्धको खोप अभियान सुरु हुदै छ । हैजाबाट बचौं र बचाऔं भन्ने अभियानका साथ जिल्लाका पाँच स्थानीय तहमा जेष्ठ १६ गतेबाट हैजाविरुद्धको ओरल कोलेरा भ्याक्सिन खोप दिइने भएको छ  । जिल्लाको वाणगङ्गा ,बुद्धभुमि ,कपिलवस्तु, मायादेवी र शुद्धोधनका सबै वडाहरुमा खोप अभियान सुरु गरिनेछ । खोप एक बर्ष माथिका सम्पूर्ण गर्भवति ,सुत्केरी लगायत सबैले खान मिल्ने जिल्ला जनस्वास्थय कार्यलय कपिलवस्तुका प्रमुख हेमराज पाण्डेले बताउनु भयो ।
पहिलो र दोस्रो चरणको खोप सेवन गरे पछि पाँच बर्ष सम्म हैजा तथा झाडापखला लाग्नबाट बच्न सकिने पाण्डेको भनाई छ। जिल्लाका ५ पालिकामा पहिलो चरणको १४ दिन पछि दोस्रो चरणको खोप अभियान सुरु हुने छ । पहिलो र दोस्रो चरणको खोप अभियान असारको ७ गते सम्म सम्पन्न गर्ने लक्ष्य स्वास्थ्य कार्यलय कपिलवस्तुको रहेको छ ।