तारा एयरको विमान दुर्घटनामा मृत्यु भएका १० जनाको शव काठमाडौं लगियो

काठमाडौं, १६ जेठ । तारा एयरको विमान दुर्घटनामा मृत्यु भएकाहरुको शव काठमाडौं लगिएको छ । तारा एयरले विज्ञप्ति प्रकाशित गरी हालसम्म २२ मध्ये २१ जनाको शव फेला परेको तीमध्ये १० जनाको शव आधार शिविरमा लगिएको छ । ती शव नेपाली सेनाको हेलिकप्टरबाट काठमाडौं लगिएको जानकारी गराएको छ ।
‘शवहरु काठमाडौं ल्याइसकेपछि त्रिवि शिक्षण अस्पतालस्थित फरेन्सिक मेडिसिन विभागमा पोस्टमार्टमको लागि लगिनेछ’ तारा एयरका प्रवक्ताले जारी गरेको विज्ञप्तिमा भनिएको छ ।

बाँकी ११ वटा शव प्रतिकुल मौसमका कारण आधार शिविरमा ल्याउन कठिन भइरहेको तारा एयरले जनाएको छ । उद्धार टोलीले एक जनाको शव खोजी गररहेको छ । त्यस्तै संकलित शवको पोस्टमार्टम गरिसकेपछि परिवारलाई बुझाइने तारा एयरले जनाएको छ ।

तारा एयरको विज्ञप्ति