एमालेवाट कपिलवस्तुमा १५३ जना बिजयी

कपिलवस्तु १७ जेठ।नेकपा (एमाले) कपिलवस्तु जिल्ला अध्यक्ष डम्मर शर्माले एमालेले जिल्ला भित्र ३ पालिका प्रमुख, ४ पालिका उपप्रमुख, ३० वडाध्यक्षसहित १ सय १६ जना वडा सदस्य निर्वाचित गर्न सफल भएको वताउनु भएको छ । उहाले कुल १५३ जना निर्वाचितलाई बधाई ज्ञापन गर्नु भएको छ भने मतदातालाई धन्यवाद । शनिबार एक विज्ञप्ती जारी गर्दै अध्यक्ष शर्माले वैशाख ३० गते सम्पन्न स्थानीय तहको निर्वाचनमा सहभागी भएर नेकपा (एमाले)को पक्षमा मतदान गर्ने मतदातालाई आभार प्रकट गर्नुभएको हो ।
शर्माले निर्वाचनलाई भयरहित वातावरणमा स्वच्छ एवं निष्पक्ष ढंगले सम्पन्न गर्न अहम भूमिका खेल्नुहुने सम्पूर्ण राष्ट्रसेवक कर्मचारी, सुरक्षाकर्मी र सम्बद्ध सबैलाई धन्यवाद दिनुभएको छ । ‘राष्ट्रसेवक कर्मचारी, बुद्धिजीवी, नागरिक अगुवा, सञ्चारकर्मी, सुरक्षाकर्मीहरू लगायत सम्बद्ध सबैलाई विशेष धन्यवाद ज्ञापन गर्दछौं ’ विज्ञप्तीमा उल्लेख छ ।साथै अध्यक्ष शर्माले कपिलवस्तु जिल्लाका १० स्थानीय तह एवं ९६ वटै वडा, कार्यपालिका सदस्यमा विभिन्न दल तथा स्तन्त्रबाट निर्वाचित हुनुहुने सम्पूर्ण जनप्रतिनिधिहरुलाई हार्दिक बधाईसहित सफल कार्यकालको शुभकामना समेत व्यक्त गर्नु भएको छ ।