पुर्व मन्त्री बलदेबको पहलमा कपिलवस्तुका महत्वपुर्ण दुई योजनालाई २०,२० लाख बजेट

हरि घिमिरे, ०२ असार ।
पुर्व मन्त्री तथा कपिलवस्तु क्षेत्र न.१ का सांसद चक्रपाणि खनाल बलदेवको पहलमा कपिलवस्तुका दुई वटा महत्वपुर्ण योजनामा बजेट विनियोजन भएको छ । संघिय बजेट अन्तर्गत ई दुई ठुला योजनाहरु परेका हुन । जसमा मायादेवि गाँउपालिका वडा न. ३ को मर्थी खोला पुल खैरटी र बाणगंगा नगरपालिका वडा न. ५ र ७ लाई जोड्ने बाणगंगा नदिको को कजवेलाई २०,२० लाख वजेट विनियोजन भएको छ । बाणगंगा नदिमा ३ करोड बढी लागत बजेटबाट निर्माण भएकोको कज्वे ४ बर्ष नपुग्दै भत्कीएको थियो ।
केहि वर्ष अघिदेखि कजवेको साईड र जगभन्दा तलबाट पानी बग्दै आएको भएतापनी सम्बन्धित निकायले समयमै सामान्य मर्मत नगरि वेवास्ता गर्दा क्षती भएको हो । अहिले स्थानियलाई आवतजावत गर्न समस्या भएको छ । केहि समय अगाडि सो स्थानमा वलदेवले अनुगमन गर्नु भएको थियो । अनुगमन पश्चात बजेट विनियोजन गर्न सफल भएको बताईएको छ । यस्तै मायादेवि गाँउपालिका वडा न. ३ को मर्थी खोला खैरटीको पुल धेरै राजनितीक दलका चुनावि एजेण्डा बनेतापनि पुल नबन्दा स्थानियले सास्ति खेप्नु परेको थियो । यसपालिको बजेटले पुल बन्ने भएपछि स्थानियहरु खुसि भएका छन् ।