साधारण सदस्यसमेत नरहने गरी पार्टीबाट हटाइए, वामदेवलाई निष्कासन गर्ने ५ जना

काठमाण्डौ, १९ असार । नेकपा एकता राष्ट्रिय अभियानले संयोजक वामदेव गौतमलाई निष्कासन गर्ने पाँच जनालाई साधारण सदस्यसमेत नरहने गरी पार्टीबाट हटाएको छ ।

गौतमको अध्यक्षतामा आज आइतवार बसेको सचिवालय बैठकले युवराज सफल, कृष्णगोपाल बञ्जारा, नीलकण्ठ पौडेल, मीननाथ देवकोटा र तेजबहादुर कार्कीलाई पार्टीबाट निष्कासन गरेको अभियानका प्रचार विभाग प्रमुख निमकान्त पाण्डेले विज्ञप्तीि निकालेर जानकारी गराउनुभएको छ ।

अध्यक्षलाई निष्कासन गर्ने पाँच जनाले गरेका क्रियाकलाप आपत्तिजनक र अस्वीकार्य रहेको, उनीहरू सबैलाई साधारण सदस्यसमेत नरहने गरी निष्कासन गर्ने निर्णय गरेको विज्ञप्तिमा उल्लेख छ ।

हिजो शनिवार नेकपा एकता राष्ट्रिय अभियानमा आबद्ध चार दलको बैठकले संयोजक वामदेव गौतममाथि पाँच बुँदे आरोप लगाउँदै निष्कासन गरेको थियो ।