कपिलवस्तुको महाराजगंजमा ६ बर्षीय बालिका मृत फेला

कपिलवस्तु, ०२ साउन ।
कपिलवस्तुमा ६ बर्षीय किशोरी मृत फेला परेकी छन् । जिल्लाको महाराजगंज नगरपालिका ११ प्रभातनगर बस्ने राम लखन भरकी छोरी ६ वर्षीया अस्मिता भर घर नजिकै बेल नदीको किनारमा आइतबार मृत अवस्थामा फेला परेको जिल्ला प्रहरी कार्यालय कपिलवस्तुले जनाएको छ ।

घरबाट हराएकी उनको खोजी गर्ने क्रममा उक्त स्थानमा शव फेला परेको हो । शवलाई पोष्टमार्टम लागि तौलिहवा लगिएको छ । घटनाबारे थप अनुशन्धान भैरहेको कपिलवस्तु प्रहरीले जनाएको छ ।