काठमाडौँ, १६ भाद्र । आसन्न निर्वाचनको सिट बाँडफाँटको विषयमा छलफल गर्न सत्तारूढ दलका शीर्ष नेताको बैठक शुरु भएको छ । केहीबेर अघि सत्तारूढ दलका शीर्ष नेताहरूबीच वार्ता सुरु भएको हो ।
प्रधानमन्त्री निवास बालुवाटारमा बसिरहेको बैठकमा शीर्ष नेताहरू छलफलमा जुटेका छन् । पटक पटक शीर्ष नेताहरूसहितको बैठक बस्दा पनि सिट बाँडफाँटमा सहमति हुन सकेको छैन् ।
कांग्रेस नेता कृष्णप्रसाद सिटौलाको संयोजगत्वमा बनेको कार्यदलले प्रतिवेदन तयार गरेर गठबन्धनमा बुझाइसकेका छन् ।
अहिलेसम्म प्रतिनिधि सभामा नेपाली कांग्रेसले १०० सिट, माओवादी केन्द्रले ६०, एकीकृत समाजवादीले ४०, जसपाले ३५ र राष्ट्रिय जनमोर्चाले २ सिटको दाबी गरेको छ । बुधबार पनि बालुवाटारमा सिट बाँडफाँटबारे छलफल भएको थियो ।
प्रतिक्रिया