रुपन्देही आफैमा बिकासको पाठशाला बन्न सफल :पूर्वअर्थमन्त्री पौडेल

बटवल २४ भदौ। पूर्व अर्थमन्त्री तथा नेकपा एमालेका उपाध्यक्ष विष्णु पौडेलले रुपन्देही बिकासको पाठशाला हुने दाबी गरेका छन् । बिकास सिक्नका लागि, बिकास बुझ्नका लागि र बिकास चिन्हका लागि रुपन्देही उपयुक्त पाठशाला हुने उनले बताए ।बुटवलको कालिका मानवज्ञान माविमा शुक्रबार आयोजित कानुन विद्यार्थी समाज कालिकाको पद हस्तान्तरण कार्यक्रममा बोल्दै पौडेलले अरुले कल्पना नगरेको बिकासको सुरुवात रुपन्देहीबाट भएको दाबी गरे । ‘अरुले कल्पना नगरेका बिकास निर्माणका काम हामीले अघि बढाएका छौं ।
भौतिक पूर्वाधारको बिकासले मात्र होइन मानवीय बिकासका हिसाबले पनि रुपन्देहीलाई पहिलो बनाउँछौं -उपाध्यक्ष पौडेलले भने । रुपन्देहीलाई भौतिक पूर्वाधारको बिकाससँगै मुलुकको शैक्षिक केन्द्रको रुपमा बिकास गरिने उल्लेख गरे ।कालिका मानवज्ञानमा कानून संकायमा अध्यनरत विद्यार्थीहरुलाई शुभकामना व्यक्त गर्दै उनले भविष्यमा मुलुकको सर्वोच्च कानूनी तहमा पुग्न शुभेक्षा गरे । शैशिक बिकासमा कालिका मानवज्ञानले गरेका योगदानको उल्लेख गर्दै उनले मुलुकमै उत्कृष्ट पहिचान बनाउन सफल भएको उल्लेख गरे ।