प्रदेश सांसदको सपथ देउखुरीमा : प्रदेश सभा सचिवालयको काम शुरु हुदै

भालुवाङ ८ पुस । लुम्बिनी प्रदेश सभा भवन सदन सञ्चालनको पर्खाइमा छ। प्रदेश सरकारले स्थायी राजधानी राप्ती उपत्यका देउखुरीमा ५ करोड २० लाख खर्चेर प्रदेश सभा भवन तयार पारेको हो । दोस्रो कार्यकालको पहिलो अधिवेशन र सपथ यहीँ खुवाउने तयारी छ ।यता प्रदेशसभा सचिवालयको सबै कामकाज राप्ती उपत्यका देउखुरीबाट हुने भएको छ । मुकाम बुटवलबाट कार्यसम्पादन हुँदै आएको प्रदेश सभा सचिवालयको सबै कामकाज पुस ११ गतेबाट हुने प्रदेश सचिव दुर्भकुमार पुनले जानकारी दिए ।
अबको प्रदेश सभा बैठक र नव निर्वाचित प्रदेश सभा सदस्यको सपथ यहीँ राख्ने योजना छ। प्रदेश सभा सचिवालयबाट सूचना जारी गर्दै कामकाज स्थायी राजधानीबाट गर्न थालिएको छ ।प्रदेश सचिव लगायत सचिवालयमा कार्यरत सबै कर्मचारी राजधानी क्षेत्रमा आइसकेका छन् । ५ करोड २० लाखमा प्रदेश सभा भवन तयार भएको हो ।