अर्घाखाँचीको सितगंगामा भालुको आक्रमण, २ जना घाइते

अर्घाखाँची, २७ माघ ।
अर्घाखाँचीको सितगंगामा भालुको आक्रमणबाट २ जना घाइते भएका छन् । घाइते हुनेमा सितगंगा नगरपालिका ७ का ५९ वर्षीय चोपबहादुर गाहा र ५० वर्षीय लालबहादुर राना रहेको प्रहरीले जनाएको छ ।

खेतमा वस्तु भाउ चराउँदै गर्दा गाहा र रानलाई शुक्रबार दिउँसो आक्रमण गरेको थियो । भालुको आक्रमणबाट गाहाको दाहिने हात र दाहिने खुट्टा पछाडीको भागमा चोट लागेको छ भने रानाको पछाडीको भागमा टोकेर चोट लागेको स्थानीय कमल लामिछानेले बताए ।

आक्रमण गर्ने भालु भागे पनि एउटा भालुको वच्चा स्थानीयले नियन्त्रणमा लिएर प्रहरी बुझाएका छन् । घाइते दुबै जनालाई उपचारका लागि लुम्बिनी प्रादेशिक अस्पताल बुटवल पठाइएको छ ।