कपिलवस्तुको खारखानिमा गाडिको ठक्करबाट बाणगंगाकी गैरेको मृत्यु

बाणगंगा, ०१ फागुन ।
कपिलवस्तुको बाणगंगामा गाडिको ठक्कर बाट एक जनाको मृत्यु भएको छ । बाणगंगा नगरपालिका खारखानिमा पुजाको प्रसाद ग्रहण गर्न गएकि महिलाको मृत्यु भएको हो । बुद्धभुमि र बाणगंगा नगरपालिकाको सिमानामा दुर्घटना भएको जनाईएको छ । पश्चिम देखी पुर्व तर्फ जाँदै गरेको सवारीले ठक्कर दिएको प्रहरीले जनाएको छ ।

उनि बाणगंगा ८ त्रिलोकमार्गबाट निम्तो मान्न खारखानि पुगेकि थिईन । अन्दाजी ६५ बर्षिय कमला गैरेको मृत्यु भएको प्रहरीले जनाएको छ । उनलाई दुर्घटना पश्चात उपचारका लागि कपिलवस्तु सामुदायिक अस्पताल लगिएको थियो । अन्तत सामुदायिक अस्पतालले रिफर गरेर तौलिहवा पठाएको थियो ।

जिल्ला अस्पताल तौलिहवाले उनलाई मृत घोषणा गरेको ईलाका प्रहरी कार्यालय गोरुसिङ्गेले जनाएको छ । ठक्कर दिने सवारी फरार रहेको छ । सिसिटिभी क्यामराको साहयताले ठक्कर दिने सवारीको खोजिकार्य गर्न थालिएको प्रहरीले बताएको छ ।