बुटवलमा सुकुम्बासी परिवारलाई लालपूर्जा बितरण

रुपन्देही १६ चैत । रुपन्देहीको बुटवल उपमहानगरपालिका–७ मा अव्यवस्थित रुपमा बस्दै आएका सात परिवारलाई लालपूर्जा वितरण गरिएको छ । मंगलबार एक कार्यक्रमबीच बुटवल उपमहानगरका प्रमुख खेलराज पाण्डेयले सुकुक्बासी ७ परिवारलाई जग्गा धनी पूर्जा हस्तान्तरण गरेका हुन् । बुटवल उपमहानगरपालिकाको सिफारिसमा राष्ट्रिय भूमि आयोग रुपन्देहीले तयार पारेको लालपूर्जा सुकुम्बासी परिवारलाई वितरण गरिएको हो ।
कार्यक्रममा उपमहानर प्रमुख पाण्डेयले बुटवलभित्रका अव्यवस्थित बसोबासीलाई लालपूर्जा प्राप्तिका लागि सबै प्रक्रियामा सहयोग गर्ने बताए । सबै भूमिहीनलाई लालपूर्जा उपलब्ध गराइने भन्दै उनले बुटवलमा अहिले भूमि आयोगमा सिफारिस गरेका ब्लकहरुको सर्भे र नापजाँचको काम अगाडि बढीरहेको जानकारी दिए ।