दोश्रो भेटका ४ बिषय : नक्कली शरणार्थी प्रकरणमा ओलीले प्रधानमन्त्री प्रचण्डलाइ दिए महत्तवपूर्ण सूचना

काठमाडौं २४ बैशाख। प्रधानमन्त्री पुष्पकमल दाहाल प्रचण्ड र एमाले अध्यक्ष केपी शर्मा ओलीबीच आज सिंहदरवारमा भेटवार्ता भयो ।तत्कालीन सत्ता गठवन्धन टुटेयता पानी बाराबार जस्तो सम्वन्धमा रहेका नेताद्वय पछिल्ला तीन दिनमा दोस्रोपटक भेटेका हुन् ।स्रोतका अनुसार आजको वार्तामा चारवटा विषयवस्तुमा कुराकानी भएका थिए । संवैधानिक परिषदको वैठक सोमबार बेलुकी बस्ने नेताद्वयबीच सहमति भएको थियो । यसबमोजिम आजै सबै सदस्यलाई परिपत्र भएको छ ।
संसद बैठकमा प्रस्तुत हुने विधेयकहरूको अवस्थाबारे पनि छलफल भएको थियो । यसैगरी आगामी बजेटका नीति र सिद्धान्बमरे पनि छलफल भएको बालुवाटार स्रोतले बतायो ।भेटवार्ताको चौंथो महत्त्वपूर्ण विषय नक्कली शरणार्थी कान्ड थियो । ओलीले अभियुक्तको बयान रोकिँदा नाम लिइएका मान्छेलाई जोगाउने प्रयास भएको आफूले जानकारी पाएको बताएका थिए । त्यसो हुन नहुने भन्दै उनले प्रधानमन्त्रीलाई सचेत गराए ।एमाले सचिव टोपबहादुर रायमाझीले छानबिनमा सहयोग गर्नुपर्ने ओलीले बताएका छन् । रायमाझी हाल आफूसँग सम्पर्कमा नभएको उनको भनाइ थियो । ओलीले शरणार्थी प्रकरणमा आफूले पाएका केही सूचना प्रधानमन्त्रीलाई दिएको बुझिएको छ । प्रधानमन्त्री प्रचण्डले उक्त सुचनाबारे उपप्रधानमन्त्री तथा गृहमन्त्री नारायणकाजी श्रेष्ठमार्फत बुझ्ने बझाएका छन् ।