गठबन्धनमा गडबड : धर्मराए कै हो त प्रचण्ड सरकार ?

काठमाडौं ११ असार । नेपाली कांग्रेसका महामन्त्री गगन थापाले शुक्रबार एक कार्यक्रममा भने( चित्त बुझ्नेगरी काम नगरे गठबन्धन फेरिन्छ । सत्ताघटकमध्ये सबैभन्दा ठूलो दलका महामन्त्री थापाले अझ जोड दिँदै भने( सरकार छाड्न परे पनि डर छैन, आगामी चुनावमा कांग्रेस एक्लै लड्छ ।शुक्रबार प्रमुख प्रतिपक्षी दल नेकपा एमालेका सचेतक महेश बर्तौलाले संसद् भवन बाहिर सञ्चारकर्मीसित भने( सरकारको आयु सकिन अब केही दिन मात्रै बाँकी छ ।
यसकै पेरिफेरिमा पूर्वप्रधानमन्त्री एवम् नेपाल समाजवादी पार्टी ९नेसपा०का अध्यक्ष बाबुराम भट्टराईले ‘प्रमुख दलहरूको संयुक्त सरकार बनाउनुपर्ने’ भन्दै ट्विट गरे ।यति मात्रै होइन, प्रधानमन्त्री पुष्पकमल दाहाल ‘प्रचण्ड’ले राष्ट्रिय स्वतन्त्र पार्टीलाई फेरि सरकारमा आउन आग्रह गरिरहेको र रास्वपाले अनेक शर्त राखेर भाउ खोजिरहेको कुरा पनि प्रष्टै छ ।यीलगायत पछिल्ला घटनाक्रमसँगै नेताका अभिव्यक्ति सुन्दा लाग्छ( सरकार भित्रभित्रै धर्मराएको छ वा अर्कै खिचडी पाकिरहेको छ ।प्रधानमन्त्री प्रचण्डले सबैभन्दा ठूलो सत्तासाझेदार दल नेपाली कांग्रेसका सभापति शेरबहादुर देउवा विदेश गएका बेला गठबन्धभित्रै ‘उप–गठबन्धन’ बनाउनुले राजनीतिमा गम्भीर अर्थ राखेको छ । प्रचण्डले गठबन्धनभित्रै कांग्रेसविरुद्धको ‘उप–गठबन्धन’ बनाएको आरोपसमेत लागिरहेको छ ।
सहायक गठबन्धन बन्नुले मूल गठबन्धनमा गडबड भएको अनुमान गर्न कठिन छैन । हुन त, अहिलेको सत्तागठबन्धनमा धेरैपटक ठाकठुक परेर पनि थामथुम पारेको स्पष्टै छ । तर, यसपालिको गडबड भने थामेर नथामिने स्थितिमा पुग्ने आकलन गरिएको छ ।मूलतः सत्तासाझेदार दुई ठूला दल नेपाली कांग्रेस र माओवादी केन्द्रबीच कुरा मिल्न सकेको छैन । तेस्रो ठूलो दल माओवादीलाई बोकेर हिँडेकोप्रति नेपाली कांग्रेसभित्र चर्कै असन्तुष्टि छ । जुन कुरा नेताहरूले खुलेयाम भाषण गर्दै हिँडेका छन् ।संसदबाट तीन महिनामा दुईपटक विश्वासको मत लिन बाध्य प्रचण्डलाई यतिन्जेल सरकार टिकाउनु नै सबैभन्दा ठूलो सफलता जस्तो भएको छ । क्रमशः कांग्रेस चिढिएपछि संसदको चौथो ठूलो दल रास्वपालाई सरकारमा भित्र्याउन पाए सहज हुने प्रचण्डको अनुमान छ । र, त्यसको तयारी पनि गरिरहेका छन् । तर, रास्वपाले भाउ खोजिरहेका कारण उनलाई अफ्ठेरो परिरहेको छ ।
सत्तासझेदार मध्येको नेकपा एसले पनि प्रचण्डलाई बेला(बेला घुर्क्याइरहेको हुन्छ । तर, जाने ठाउँ कतै नभएपछि प्रचण्डसँगै टाँसिइरहेको नेकपा एसलाई मिलाइराख्न पनि चुनौती नै छ । बेला(बेलामा एमालेमै फर्कने चेतावनी दिइराख्ने सांसदलाई फकाउन नेकपा एसका अध्यक्ष माधव नेपाललाई हम्मेहम्मे परिरहेको छ गठबन्धनमा बढेको गडबडको फाइदा लिने दाउमा छ, प्रमुख प्रतिपक्षी नेकपा एमाले देखिन्छ । अहिलेको सरकार ढालेर सकेसम्म आफ्नै नेतृत्वमा बनाउने, नभए कांग्रेसलाई सघाएर नयाँ सरकार बनाउने एमालेको योजना छ । तर, जसरी पनि गठबन्धन भत्काउने रणनीतिमा देखिन्छ एमाले।
कांग्रेस पनि सधैंभरि माओवादीलाई बोकेर हिँड्ने पक्षमा नभएको कतिपय नेताको अभिव्यक्तिबाटै प्रष्ट हुन्छ । यी सबै घटनाक्रमले अब संसदबाट बजेट पारित भएपछि सरकार परिवर्तनको खेल जोडतोडले अघि बढ्ने संकेत गर्छ ।