कपिलवस्तु, ०९ साउन । नयाँ नागरिकता ऐन जारी भएपछि कपिलवस्तुमा नागरिकता लिनको संख्या बढ्न थालेको छ । नेपाल नागरिकता पहिलो शंशोधन २०८० । २ । १७ ले गरेको नयाँ व्यवस्था बमोजिम जन्मको आधारमा नेपाली नागरिकता प्राप्त गरेका गरेका नागरिकका सन्तानले नागरिकता पाउने उल्लेख गरेको छ ।
सोको आधारमा अहिले कपिलवस्तु जिल्लामा पनि नागरिकता लिनेको संख्या बढेको हो । ऐन जारी भएको मितिदेखि साउन ७ गतेसम्म तथ्याङ्क (५३ दिन) अनुसार कपिलवस्तुमा यसरी नागरिकता लिनेको संख्या १२ सय ७१ पुगेको छ । सहायक प्रमुख जिल्ला अधिकारी अनिल पौडेलका अनुसार सबैभन्दा धेरै जिल्ला प्रशासन कार्यालय तौलिहवाबाटै नागरिकता लिएको देखिन्छ ।
अहिलेसम्म तौलिहवाबाट ७८३ जनाले जन्मको आधारमा नागरिकता लिएका छन् भने इलाका प्रशासन कार्यालय चन्द्रौटाबाट ४६२ जनाले नागरिकता लिएको देखिन्छ । यस्तै इलाका प्रशासन कार्यालय वाणगंगाबाट ३४ जनाले जन्मको आधारमा नागरिकता लिएका छन् ।
गतबर्षभन्दा यो तथ्याङ्क बढी रहेको जिल्ला प्रशासन कार्यालय बताउँछ । नयाँ नागरिकता ऐन नबन्दा यसरी नागरिकता लिनबाट ५ लाख बढी नागरिक बंचित थिए । ती सबैले नागरिकता लिन थालेपछि कपिलवस्तुमा पनि संख्या बढ्न थालेको हो ।
प्रतिक्रिया