हरि घिमिरे
कपिलवस्तु, १० साउन ।
बाणगंगा नगरपालिका वडा नम्बर ७ का डुवान पिडित परिवारलाई राहात वितरण गरिएको छ । विभिन्न संघ संस्थाले बुधबार डुवानबाट पिडित घरपरिवारलाई राहत वितरण गरेका हुन् । जिल्लामा सक्रिय लायन्स क्लव अफ कपिलवस्तु, कपिलवस्तु जेसिज र लियो क्लव अफ कपिलवस्तु, कपिलवस्तु वन पैदावार समितिले संयुक्त रुपमा राहत प्रदान गरेका हुन् ।
मंगलवार राति परेको अविरल वर्षाका कारण १ सय ६३ घर डुबानमा परेका थिए । बाणगंगाको वडा न.७ र ८ मा पर्ने प्रगति टोल, चौरी गाउँ, शान्ति टोल, पुल चोक, उत्तर र सिसनिया लगायतका क्षेत्रका घरहरु डुवानमा परेका हुन ।
राहतमा खटिएका तिन क्लवले करिब ४० हजार बराबरको सामग्री प्रदान गरेको लायन्स क्लव अफ कपिलवस्तुका अध्यक्ष ओम प्रकाश घिमिरेले जानकारी दिए । उनले बाढिले डुवानमा परेका परिवारमा पर्न गएको क्षती प्रती दुःख व्यक्त गर्दै अन्य निकायहरुलाई पनि सहयोगमा जुट्न आग्रह गरे ।
अध्यक्ष घिमिरेले लायन्स क्लव अफ कपिलवस्तुले थप सहयोगका लागि दात्रि निकाय संग पहल गर्ने बताए । उनले यस्ता विपद व्यवस्थापनका लागी क्लव हर्दम तयारी अवस्थामा रहेको बताए ।
यस्तै अहिले राहात वितरणको काम तीब्र गतिमा भईरहेको र अन्य थप सहयोगका लागि लायन्स निरन्तर लाग्ने क्लवका मिडिया संयोजक नवराज बेल्वासेले जानकारी दिए ।
प्रतिक्रिया