गुल्मीमा एक किशोरीको नग्न अवस्थामा शव फेला

गुल्मी, १७ कात्तिक । गुल्मीमा एक किशोरीको शव नग्न अवस्थामा फेला परेको छ । गुल्मीको चन्द्रकोट गाउँपालिका वडा नम्बर ४ शान्तिपुरकी १५ वर्षीया किशोरीको शव स्थानीय हुग्दी खोलामा फेला परेको हो ।जिल्ला प्रहरी कार्यालय गुल्मीका सुचना अधिकारी प्रहरी नायब उपरीक्षक डिल्लीनारायण पाण्डेले घटनास्थलमा प्रहरी निरिक्षकको टोली गएको बताए । उनले घटना बारे थप जानकारी आएपछि विवरण उपलब्ध गराउने बताएका छन् ।किशोरीको हत्या भएको आशंका गरिएको छ । उनी बिहिवार दिउँसो आफ्नै खेतमा परालको दाँइ लगाउने क्रममा बजारमा सुर्ती किन्न गएकी थिइन् । उनी नफर्किएपछि खोजी कार्य सुरु गरिएको थियो ।