सरकार विरुद्ध संघर्ष गर्न मधेसका मुख्यमन्त्री सहित मन्त्रीहरु माइतीघर धर्नामा

जनकपुरधाम २२ कार्तिक । प्रहरी समायोजन, निजामती ऐन कार्यान्वयनलगायतको माग गर्दै मधेश सरकारले आज संघीय सरकारविरुद्ध आन्दोलनको घोषणा गर्दैछ ।सोमबार बसेको मुख्यमन्त्री र मन्त्रीसहितको सर्वदलीय बैठकले प्रहरी समायोजन, निजामती ऐनलगायतको विषयमा संघर्षमा उत्रिनेसम्मको निर्णय नै गरेको थियो ।सोही अनुसार आन्दोलनको घोषणा गर्न आज दिउँसो २ बजे मुख्यमन्त्री तथा मन्त्री परिषद्को कार्यालयमा पत्रकार सम्मेलन आयोजना गरिएको छ ।
बिहीबार मुख्यमन्त्री सरोजकुमार यादव आफ्नै नेतृत्वमा प्रधानमन्त्री पुष्पकमल दहाललाई पन्ध्र दिने अल्टिमेटसहित ज्ञापन पत्र बुझाउने तयारी गरेका छन् ।प्रहरी समायोजनको काम अघि नबढे मुख्यमन्त्रीकै नेतृत्वमा काठमाडौंको माइतिघर मण्डलामा मन्त्रीहरू संघीय सरकार विरुद्ध धर्ना बस्ने सहितको कार्यक्रम छ ।